طلال عبد المحمود الشريف من مواليد مدينة النهود - حي البخيت 1983 ، تلقى تعليمه الأساسي بمدرسة ( أبوعنجة ) ثم مجمع المنصور الإسماعيلي ، المرحلة الثانوية : النهود النموذجية ، دبلوم علوم المختبرات الطبية جامعة كسلا كلية الطب والعلوم الصحية ، يدرس الآن بكلية شرق النيل بكلاريوس علوم المختبرات الطبية . شارك في عدة منتديات أدبية بكسلا وأحرز المركز الثاني في مسابقة شعراء الجامعة أحرز المركز الأول في مسابقة الشعراء الشباب التي نظمها معهد تنمية المجتمع بكلية شرق النيل 2008 . له ديوان شعر تحت الطبع بعنوان ( طلة عيون السحاب )
محطات الوداع :
ن –
نستبيح صمت المشاوير والسهاد
سمار عليى دربك والليل أغنيات
غنت عصافيرك
عكس الحروف الكان شايلاها في جواك
بين الكلام وسكات
تسرق مواعيدك دهشة حضور الصمت
حضن السحاب الشال
طفل المطر بكاي
أنا كنت بشتاق ليك بتنفسك في الجوف
أنا مانسيتك يوم رغم السفر والخوف
شايل خيال عينيك في السكة والمشوار
كحلت عين الشمس
من صبحك الناصع
ورسمت من عينيك
كل الفرح في الكون
مديت ضفايرك موج
والليل عباية الخوف
يا جذوة في جواي
مطر العشم راجيك
هـ -
هدت مشوايرك جبال صبري ومشت
راجيك أنا
مسافة فرقة الليل والنهار
ما معنى هذا الإنتظار
كل الطيور ما بين عيونك والسما
إتحتحتن مشن المطار
إتجرح الجوف من غيابك
إتبرجت كل الدموع
ظهرت حقيقة شوفتي ليك
حتى المطر
فارق سماوات المدائن
قطع التذاكر للعيون سافر وراك
فتشت ليك
لقيت حروفك في غناي
كيمياء المواعيد البتربط
بيني بينك في الدفاتر والشعر
حفظت ليك كل القوانين والنصوص
ولسه منتظر التعادل
والمحطات السعيدة
شان تفجر كل مسامات الشواريع بالضحك
حتى الفصول جات تقتبس مشهد حضورك
وتنتظر لحظة عناقك والسحاب
طلع القمر ما بين شبابيك الغيوم
تاوق عليك
خجلان يفتش في عينيك
لملم نجيمات السعد ساقن عليك
لحن قصايد شوقي ليك
غنت عليك شمس الأرض
صوت العصافير والنوافير والشجر
كورال من النور والنسيم
أ –
أنا في خضم صمتك
قافلة شجون الموج
وقفت ناديتك
يا .... سمراء
غنيتك بلا إستئذان
وسميتك ملاك إنسان
دسيتك في جوف الضوء
وشلتك في خلايا الروح
مسارات العصب ألحان
بنيت من حبي قصر الشوق
جدار غنوات
وسقف اللقيا لعينيك
غرف ممهورة بريدك
مطرزة بخصل شعرك
ملايات الفرح ألحان
ويا نجم السعد قول ليها
صوتك في الليالي وتر
يشيل عينيك من الصحراء
يعانق تربة النيلين
وفي أرض البشائر شوق
( جبل حيدوب ) ينادي عليك في عز الليل
يا غيم الحنان أشهد
أنا البعشق سحاباتك
أكحل عيني من طيفك
وأطرق حلقي بحرفك
رسمتك في الكتب تاريخ
وغنيتك نشيد أطفال
لقيتك في تراب بلدي وتراث أهلي
بتطلعي من شرايين الوجع آهات
وتمرقي من مسامات الفرح غنوات
وتصعدي زي شتول رويانة
من شوق الأرض مسقية
طالعة على سماك دربين
معاك سكت الكلام الشين
وإتبكم لسان الريح
وزانت كل نجوم الليل
طلع صوتك بشارة خير
وناديتك
أحبك يا عيون الغيم
بحبك يا سحابة ريد
بحبك يا حلم مدسوس في جوف الخوف
بحبك وياني منتظرك
مدى الأيام .
د –
دي الحقيقة الكامنة في رحم التردد والظنون
خايف أقول لك يا مناي
سبب العذابات والسهر
خايف من الماضي العنيد
دمع المناحات والفشل
وأنا لسه متوسد دموع
أنا لسه ساكني الحزن
متوشح الصبر الجميل
والليل غطى الحزن المبهرج في الملامح والمسام
صبحك وشمس الكون غياب
جدل القوانين والنظم
من ضحكتك إتلونت مدن الضباب
إتغيرت من رقتك
كل التضاريس والسماوات والأرض
شال الشفق لون الخجل
إتحننت كل الغيوم
وأنا في لحاف الذكريات
جريت غطاي
وقريت تواريخ الغرام
كل الأساطير تحكي عنك يا منارة
كنتي في ماضي الوجود
ولسه في الحاضر قصيدة
وزينة الوطن الحضارة
لسه راجيك يا سحابة
في إنتظار عينيك تطل
تديني يا حلوة البشارة
نستبيح صمت المشاوير والسهاد
سمار عليى دربك والليل أغنيات
غنت عصافيرك
عكس الحروف الكان شايلاها في جواك
بين الكلام وسكات
تسرق مواعيدك دهشة حضور الصمت
حضن السحاب الشال
طفل المطر بكاي
أنا كنت بشتاق ليك بتنفسك في الجوف
أنا مانسيتك يوم رغم السفر والخوف
شايل خيال عينيك في السكة والمشوار
كحلت عين الشمس
من صبحك الناصع
ورسمت من عينيك
كل الفرح في الكون
مديت ضفايرك موج
والليل عباية الخوف
يا جذوة في جواي
مطر العشم راجيك
هـ -
هدت مشوايرك جبال صبري ومشت
راجيك أنا
مسافة فرقة الليل والنهار
ما معنى هذا الإنتظار
كل الطيور ما بين عيونك والسما
إتحتحتن مشن المطار
إتجرح الجوف من غيابك
إتبرجت كل الدموع
ظهرت حقيقة شوفتي ليك
حتى المطر
فارق سماوات المدائن
قطع التذاكر للعيون سافر وراك
فتشت ليك
لقيت حروفك في غناي
كيمياء المواعيد البتربط
بيني بينك في الدفاتر والشعر
حفظت ليك كل القوانين والنصوص
ولسه منتظر التعادل
والمحطات السعيدة
شان تفجر كل مسامات الشواريع بالضحك
حتى الفصول جات تقتبس مشهد حضورك
وتنتظر لحظة عناقك والسحاب
طلع القمر ما بين شبابيك الغيوم
تاوق عليك
خجلان يفتش في عينيك
لملم نجيمات السعد ساقن عليك
لحن قصايد شوقي ليك
غنت عليك شمس الأرض
صوت العصافير والنوافير والشجر
كورال من النور والنسيم
أ –
أنا في خضم صمتك
قافلة شجون الموج
وقفت ناديتك
يا .... سمراء
غنيتك بلا إستئذان
وسميتك ملاك إنسان
دسيتك في جوف الضوء
وشلتك في خلايا الروح
مسارات العصب ألحان
بنيت من حبي قصر الشوق
جدار غنوات
وسقف اللقيا لعينيك
غرف ممهورة بريدك
مطرزة بخصل شعرك
ملايات الفرح ألحان
ويا نجم السعد قول ليها
صوتك في الليالي وتر
يشيل عينيك من الصحراء
يعانق تربة النيلين
وفي أرض البشائر شوق
( جبل حيدوب ) ينادي عليك في عز الليل
يا غيم الحنان أشهد
أنا البعشق سحاباتك
أكحل عيني من طيفك
وأطرق حلقي بحرفك
رسمتك في الكتب تاريخ
وغنيتك نشيد أطفال
لقيتك في تراب بلدي وتراث أهلي
بتطلعي من شرايين الوجع آهات
وتمرقي من مسامات الفرح غنوات
وتصعدي زي شتول رويانة
من شوق الأرض مسقية
طالعة على سماك دربين
معاك سكت الكلام الشين
وإتبكم لسان الريح
وزانت كل نجوم الليل
طلع صوتك بشارة خير
وناديتك
أحبك يا عيون الغيم
بحبك يا سحابة ريد
بحبك يا حلم مدسوس في جوف الخوف
بحبك وياني منتظرك
مدى الأيام .
د –
دي الحقيقة الكامنة في رحم التردد والظنون
خايف أقول لك يا مناي
سبب العذابات والسهر
خايف من الماضي العنيد
دمع المناحات والفشل
وأنا لسه متوسد دموع
أنا لسه ساكني الحزن
متوشح الصبر الجميل
والليل غطى الحزن المبهرج في الملامح والمسام
صبحك وشمس الكون غياب
جدل القوانين والنظم
من ضحكتك إتلونت مدن الضباب
إتغيرت من رقتك
كل التضاريس والسماوات والأرض
شال الشفق لون الخجل
إتحننت كل الغيوم
وأنا في لحاف الذكريات
جريت غطاي
وقريت تواريخ الغرام
كل الأساطير تحكي عنك يا منارة
كنتي في ماضي الوجود
ولسه في الحاضر قصيدة
وزينة الوطن الحضارة
لسه راجيك يا سحابة
في إنتظار عينيك تطل
تديني يا حلوة البشارة
0 التعليقات
إرسال تعليق